Matrikula:5 euro.

Gazteleraz izango da.

Bete-betean helduko diogu sexualitatearen gaiari: sexualitatearen adierazpide anitzak, jendartean agintzen duten pentsaerak, tabuak, erruduntasuna eta lotsa, arauak apurtzea. Aztertuko dugu plazera eta arriskuaren arteko erlazioa: alde batetik, nolako mugak ditugun plazeraz gozatzeko eta nola gainditu ahal ditugun gure harremanetan, gure gorputzarekin eta gure bikotearekin; beste aldetik, nolako arriskuak ditugun eta zenbaterainoko mugak ezartzen dizkigun horrek gure ahalduntze propioan. Ahalduntze kolektiboak dituen zailtasunei buruz ere egingo dugu hausnarketa. Norbere gorputzaren bizipenetatik abiatuko dugu hausnarketa, norbere sexualitatetik eta mehatxu egiten digun bortxakerietatik.