Batzordeburua: Rakel Elu Bengoetxea
Herri osoari zuzendua dagoen udal zerbitzua da, eta bereziki, beharrak nahiz beren bizitza proiektuaren garapen autonomorako zailtasunak dituzten pertsona, familia eta taldeei zuzendutakoa.
Herritarren bizitzan sortzen diren edozein motatako arazoak kontuan hartuta, ahalik eta modurik egokienean gainditzen lagundu nahi du Ondarroako Udalak, herritarrek ahalik eta ongizate maila hoberena izan dezaten. Helburu nagusi horrekin lan egiten du Sail honek.
Alde batetik, Gizarte Zerbitzuen sailetik, herritarrok dugun eskubide eta baliabideen inguruan informatu, baloratu eta bideratzeko egiten dugu lan.
Bestetik, Gizarte Ongizate Batzordean, eremu honen inguruan lanean dihardugun herriko hainbat talde elkarlanean gabiltza. Aldiro-aldiro udalean taldeetako partaideok bildu eta hausnarketen bidez, sentsibilizazio kanpainak bultzatu eta herri kontzientziazioaren aldeko apustua egin dugu.